Паводле адной з версій, хлопцаў зачапіў цягнік, бо іх целы былі знойдзеныя каля чыгуначных шляхоў. Паводле другой — падлеткі самі заскочылі на цягнік, які рухаўся, але не змаглі ўтрымацца і ўпалі з яго. Пра гэта паведамілі ў эфіры тэлеканала «Беларусь-1», піша Tut.by.
Як высветлілі эксперты, смерць маладых людзей наступіла ў выніку траўмаў галавы і цела. Варыянт прамога сутыкнення з цягніком следчыя выключаюць. Таксама цалкам выключаная версія гвалтоўнай смерці.
Нагадаем, 8 жніўня каля чыгуначных рэек пад Жодзінам былі знойдзены целы двух вучняў сярэдняй школы 16 і 17 гадоў, жыхароў Смалявіцкага раёна. Раніцай іх заўважыў адзін з супрацоўнікаў чыгункі.
Следства ўжо высветліла, што 7 жніўня непаўналетнія распівалі спіртное, а каля 10 гадзін вечара накіраваліся да чыгуначнай станцыі: на рэйках і ўжо каля чыгункі яны неаднаразова стэлефаноўваліся са знаёмымі.
Сем'і і самі загінулыя падлеткі характарызуюцца станоўча.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну7
Каментары