Пасля піражкоў і кукурузы Пашынян каштуе ў аўтобусе армянскі прысмак
Прэм'ер-міністр Арменіі Нікол Пашынян працягвае выкладаць у сацсеткі свае перакусы ў аўтобусе. Раней былі ролікі з піражком і кукурузай, якія імгненна сталі віруснымі. Цяпер прэм'ер, седзячы ў капелюшы ў аўтобусе, ласаваўся аштаракскім салодкім суджухам.
Гэта армянскі прысмак з грэцкіх арэхаў, нанізаных на нітку і залітых густым вінаградным сокам. Ад грузінскай чурчхелы яго адрознівае больш рэзкі смак спецый.
У каментарах жартуюць:
«Мне падабаецца меню».
«Мне падабаецца гэты серыял, адзінае пазітыўнае за апошні час, ды і наогул гэты канал пазітыўны, то музыка, то сэрцайкі. Усім здароўя».
«Едзем з аднакласнікамі на экскурсію замест урокаў».
«А як мы можам далучыцца да вашых тураў?»
Эксперты мяркуюць, што гэтыя ролікі з непасрэдным Пашынянам — піяр-кампанія напярэдадні парламенцкіх выбараў у чэрвені 2026 года. Улады спрабуюць змяніць парадак дня і сфарміраваць вобраз блізкага да народа палітыка, які «жыве далей» пасля ўсіх нацыянальных і асабістых трагедый (Пашынян нядаўна разышоўся з жонкай).
Раней Пашынян ужо падарваў сацсеткі ролікамі, дзе з сумным тварам слухаў Земфіру і Джона Ленана, а напрыканцы студзеня і зусім дэбютаваў у якасці барабаншчыка на канцэрце ўласнага музычнага гурта «Варчабэнд».
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы11
Каментары