Падрабязнасці пра сюжэт, дату выхаду і творчую каманду пакуль не раскрываюцца.
Анімацыйная студыя Pixar пачала распрацоўку трэцяй часткі франшызы «Карпарацыя монстраў». Пра гэта піша The Wall Street Journal са спасылкай на галоўнага крэатыўнага дырэктара студыі Піта Доктэра.
Цяпер праект знаходзіцца на ранняй стадыі распрацоўкі. Падрабязнасці пра сюжэт, дату выхаду і творчую каманду пакуль не раскрываюцца.
Першая частка франшызы выйшла ў 2001 годзе і стала адным з самых паспяховых мультфільмаў студыі.
На той момант яна сабрала ў пракаце больш за $528 млн. Прыквел «Універсітэт монстраў», які расказваў пра студэнцкія гады галоўных герояў Салі і Майка, выйшаў у 2013 годзе. У 2021 годзе запусцілі серыял «Монстры за працай», які меў два сезоны.
Распрацоўку новай часткі звязваюць са змяненнем стратэгіі Pixar. Студыя разам з медыяхолдынгам The Walt Disney Company хоча актыўней развіваць папулярныя анімацыйныя франшызы.
На гэтым фоне Pixar ужо працуе над пятай часткай фільма «Гісторыя цацак», якую абяцаюць паказаць летам 2026 года, і трэцяй часткай «Суперсямейкі».
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў6
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Прапаную наступную "супер сямейку" прысвяціць або лукашэнке або хамінэі або кімаў.