— пракрычала Натальля Падольская на беларускім канцэрце ў Сочы.
У Сочы гэтымі днямі праходзіць конкурс маладых выканаўцаў «Пяць зорак», у якім бяруць удзел прадстаўнікі постсавецкіх краін.
Апроч таго, праходзяць розныя канцэртныя праграмы. Прыкладам, у нядзелю па тэлебачаньні паказалі выступ беларускіх зорак: як тых, хто жыве ў Менску, так і Маскве.
Папулярная ў Расеі беларуская сьпявячка Натальля Падольская скончыла свой выступ словамі «Няхай жыве Беларусь» (па-беларуску), што было прыхільна сустрэта расейскай публікай.
Канцэрт у ноч з 29 на 30 жніўня быў прысьвечаны дню нараджэньня Аляксандра Лукашэнкі. Яго распачала песьня «Страна бульбаша – моя Бела Раша», супольна выкананая ўсімі ўдзельнікамі. А заслужаная артыстка Ірына Дарафеева выйшла на сцэну ў зялёнай сукенцы й падарыла Аляксандру Лукашэнку песьню «Ангел мой несравненный, неземной и нереальный». Глядзелася гэта двухсэнсоўна, бо перад тым вядоўца пажартаваў на тэму курортных раманаў: «Если женщина идет в красном платье, то ее нельзя, если в зеленом – можно, а если в желтом, то скоро будет можно».
* * *
Гран-пры конкурсу маладых выканаўцаў выйграла сьпявачка з Таджыкістану Тахміна Ніязава. Яна абышла расейскі гурт «Куатро» ўсяго на адзін голас, у якога - 1-е месца. Беларускі гурт «The Сhampions», за які выступае чорнаскуры выканаўца, на трэцім месцы.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары