Мастацкаму кіраўніку «Гогаль-цэнтра» Кірылу Сярэбранікаву прад'яўленыя абвінавачванні ў махлярстве на суму 68 мільёнаў расійскіх рублёў (каля 1,1 млн даляраў), віны ён не прызнаў. Меру стрымання Сярэбранікаву Басманны суд абярэ ў сераду, наступную ноч ён правядзе ў СІЗА «Матроская цішыня». У сацсетках плануюць правесці ля суда акцыю ў падтрымку Сярэбранікава.
«Мастацкаму кіраўніку маскоўскага тэатра «Гогаль-цэнтр» Кірылу Сярэбранікаву прад'яўлена абвінавачанне ў […] махлярстве ў асабліва буйным памеры […] У ходзе допыту ў якасці абвінавачанага сваю віну ён не прызнаў», — заявіла афіцыйны прадстаўнік Следчага камітэта Святлана Пятрэнка агенцтву ria.ru.
Пасля допыту ў Следчым камітэце Сярэбранікава павезлі ў Следчы ізалятар №1, вядомы як «Матроская цішыня», паведаміў Інтэрфаксу ягоны адвакат Дзмітрый Харытонаў.
Мера стрымання рэжысёру будзе прызначаная ў сераду, пасяджэнне пачнецца апоўдні. Адвакаты імаверна будуць хадайнічаць пра хатні арышт.
«Паколькі Сярэбранікаў падазраецца ў арганізацыі махлярства, яму можа быць абраная мера стрымання, звязаная з пазбаўленнем волі», — паведаміў раней у аўторак Інтэрфакс са спасылкай на крыніцу, знаёмую са справай.
Як паведаміў расійскай службе Бі-бі-сі акцёр «Гогаль-цэнтра» Мікіта Кукушкін, у тэатры працягваюцца рэпетыцыі, а супрацоўнікі плануюць прыняць удзел у акцыі ў падтрымку Сярэбранікава, якая пройдзе ля Басманнага суда ў сераду.
«Я мяркую, там рашалы вырашаюць», — адказаў Кукушкін на пытанне Рускай службы Бі-бі-сі, чаму Сярэбранікава затрымалі нягледзячы на падтрымку уплывовых артыстаў і лісты прэзідэнту.
Сябры рэжысёра, у іх ліку журналісты і акцёры, у сацсетках заклікаюць усіх, хто можа, прыняць удзел у акцыі ля Басманнага суда.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі22
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары