У ноч на 8 верасня на тэрыторыі школы ў Маскоўскім раёне Мінска знайшлі труп 28-гадовай дзяўчыны. Жорсткае забойства раскрылі за лічаныя гадзіны, паведамляе прэс-служба МУС Беларусі.
Міліцыя высветліла, што напярэдадні ўвечары да дзвюх жанчын узростам 28 і 29 гадоў падышоў малады чалавек у масцы. Ён пагаварыў з адной з іх (аказаліся знаёмымі) і пайшоў.
«Праз некаторы час мужчына вярнуўся і нажом параніў другую сяброўку. Тая пабегла па дапамогу да вахцёра школы, а ў гэты час зламыснік стаў наносіць знаёмай дзясяткі нажавых удараў, у выніку чаго яна памерла», — паведамляе МУС.
Праз тры гадзіны, у адным з бліжэйшых ад месца трагедыі дамоў, быў затрыманы падазраваны. Ім аказаўся 21-гадовы хлопец. Раней ён ужо прыцягваўся да адказнасці за дробнае хуліганства, распіванне спіртнога ў публічным месцы і ўхіленне ад службы ў войску.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»62
Каментары