Амерыканская спявачка Лэдзі Гага паведаміла, што ў яе хранічная фібраміялгія. Пацыенты з фібраміялгіяй пакутуюць ад хранічнага, як правіла сіметрычнага болю ва ўсім целе. Хвароба вывучана не да канца, што ўскладняе лячэнне.
Спявачка паведаміла пра гэта ў твітары. Там жа яна сказала, што распавядае пра сваё жыццё з гэтай хваробай у сваім апошнім дакументальным фільме.
«Я хачу аказаць дапамогу ў павышэнні абазнанасці і аб'яднаць людзей, у якіх яна ёсць. Мы ўсё можам падзяліцца гісторыямі пра тое, што дапамагае, а ад чаго становіцца балюча», — напісала Лэдзі Гага.
Лэдзі Гага казала пра тое, што жыве з хранічным болем яшчэ з 2013 года, але толькі цяпер раскрылі прычыны.
31-гадовая спявачка выступіла на Таронцкім кінафестывалі, дзе паказваюць яе дакументальны фільм «Гага: пяць футаў і дзве цалі».
Фільм ужо выйшаў на экраны ў ЗША і неўзабаве будзе паказаны і ў іншых краінах.
Што такое фібраміялгія
У людзей, якія пакутуюць ад фібраміялгіі, бывае мноства сімптомаў — яны часта пакутуюць ад дрэннага сну, рыгіднасці цягліц, сіндрому павышанай стомленасці, страты памяці, а таксама парушэнняў канцэнтрацыі ўвагі.
На фібраміялгію пакутуюць прыкладна 4% насельніцтва. Сярод людзей з гэтым дыягназам у сем разоў больш жанчын, чым мужчын.
Прычыны фібраміялгіі на дадзены момант навуцы невядомыя. У выніку дактары не ведаюць, як менавіта лячыць гэтую хваробу, і скіроўваюць высілкі на падаўленне сімптомаў — болі, дэпрэсіі і расстройстваў сну.
Існуе здагадка, што ў шматлікіх выпадках фібраміялгія з'яўляецца пасля фізічнага або эмацыйнага стрэсу.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве49
Каментары