У Палаце прадстаўнікоў бачаць два варыянты вырашэння пытання хатніх родаў — увесці адказнасць або дазволіць такую практыку прыватным медцэнтрам
«Прымаючы рашэнне нараджаць дома, чалавек бярэ на сябе занадта вялікую адказнасць», — пракаментаваў апошнія выпадкі гібелі дзяцей і жанчыны падчас хатніх родаў дэпутат Анатоль Дашко.
Ён бачыць два варыянты вырашэння праблемы: забараніць хатнія роды — да прыкладу, за гэта можа быць прадугледжана адказнасць, або дазволіць такую практыку прыватным медыцынскім цэнтрам.
«У нас за апошнія некалькі гадоў створаны выдатныя ўмовы. Роды ў хатніх умовах - гэта вельмі небяспечна», — адказаў ён на прапанову дазволіць акушэрскую дапамогу дома.
Нагадаем, што нядаўна адбылася гучная гісторыя, калі ураджэнку Віцебска, якая пасля хатніх родаў страціла дзіця, судзілі за прычыненне дзіцяці смерці па неасцярожнасці і прысудзілі да шасці месяцаў пазбаўлення волі.
А 28 верасня ў бальніцу ў Беразіно даставілі 29-гадовую жанчыну, якая пазней памерла. Дома ў яе былі выяўленыя дзве нованароджаныя дзяўчынкі без прыкмет жыцця.
Міністэрства аховы здароўя агучыла лічбу: у мінулым годзе дома нараджалі 230 жанчын. Пры гэтым пры такіх родах паказчык перынатальнай смяротнасці ў сем разоў вышэйшы, чым пры родах у радзільні.
Каментары