Інтэрнэт захламлены, і яго варта фільтраваць. Пра гэта распавёў патрыярх Маскоўскі і ўсяе Русі Кірыл студэнтам, адкрываючы моладзевы камунікатыўны форум у маскоўскім Сацыяльным універсітэце (РДСУ), паведамляе ВВС.
«Сёння кожны чалавек можа выкарыстоўваць інтэрнэт для распаўсюджвання свайго ўплыву. Гэта накладвае на чалавека велізарную адказнасць», — перасцярог студэнтаў патрыярх.
Ён сказаў, што і сам часам чытае дыскусіі ў сацыяльных сетках. «Часам чытаю зводкі, якія мне прыносяць, скрыгочучы зубамі. У гэтай інфармацыйнай прасторы вельмі шмат захламленасці. Хлам — ён дэзарыентуе», — распавёў патрыярх. «Мы ведаем, як людзі канчаюць жыццё самагубствам, таму што паглынаюцца гэтым хламам, задыхаюцца ад хламу і становяцца няздольнымі да супраціву. Ну а што ж рабіць, каб нас не захліснула уся гэтая стыхія? Трэба ставіць фільтр», — выдаў сваю рэкамендацыю Кірыл.
«Калі мы будзем удзельнічаць у інфармацыйным жыцці грамадства, імкнучыся несці добрае слова і падтрымліваючы яго ўласным жыццём, то я перакананы, што мы пераможам. Таму што Хрыстос перамог», — скончыў свой выступ патрыярх.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты19
Каментары