Лясныя пажары на паўднёвым захадзе Еўропы прывялі да гібелі сама меней 31 чалавека ў Партугаліі і яшчэ трох — у Іспаніі. Агонь бушаваў ўсе выходныя, і з паўтары сотняў ачагоў узгаранняў дзясяткі да гэтых не патушаны.
Улады вінавацяць падпальшчыкаў, гарачае лета і моцны вецер, які прынёс у рэгіён ураган Афелія.
Тысячы пажарных задзейнічаны ў тушэнні агню. Ім дапамагаюць жыхары пацярпелых рэгіёнаў.
Колькасць параненых у Партугаліі перавысіла 50 чалавек, з якіх паўтара дзясятка — у цяжкім стане. Сярод некалькіх зніклых без вестак — немаўля, якое нарадзілася ўсяго месяц таму.
Двое з трох загінулых у Іспаніі былі выяўленыя ў згарэлай машыне на абочыне дарогі.
Усяго чатыры месяцы таму Партугалія перажыла самыя разбуральныя лясныя пажары ў сваёй гісторыі.
Прыкладна на палове тэрыторыі Партугаліі ўведзена надзвычайнае становішча. Дзясяткі дарог перакрытыя, зачыненыя некаторыя навучальныя ўстановы.
«Тут у Пасос-дэ-Борба вялікі пажар пачаўся а палове на другую раніцы ў пяці розных месцах. Ясна, што прыроднымі прычынамі такое растлумачыць немагчыма», — сказаў прэм'ер Іспаніі Рахой, які падазрае падпал.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары