Віцебскія аператыўнікі раскрылі рэзананснае забойства жыхара Оршы, паведамілі ва УУС Віцебскага аблвыканкама.
Інфармацыя аб знікненні 52-гадовага жыхара Оршы паступіла ў праваахоўныя органы 5 кастрычніка. Сваячка мужчыны паведаміла, што ён ездзіў на заробкі ў РФ і, вярнуўшыся, збіраўся сустрэцца з ёй, аднак так і не з'явіўся. Паколькі, з яе слоў, ён злоўжываў спіртным, яна не надала гэтаму значэння. Але пасля таго, як аршанец не даваў аб сабе ведаць некалькі дзён, жанчына ўсе ж вырашыла звярнуцца ў міліцыю.
Супрацоўнікі крымінальнага вышуку Аршанскага РАУС апыталі сваякоў і знаёмых мужчыны, здзейснілі пакватэрны абыход па месцы жыхарства, прагледзелі запісы камер відэаназірання. Было вылучана некалькі версій знікнення, кожную з якіх старанна адпрацавалі.
Сумесна з супрацоўнікамі ўпраўлення крымінальнага вышуку УУС Віцебскага аблвыканкама аператыўнікі зрабілі выснову, што асноўная версія знікнення мае крымінальны характар, бо ў мужчыны пры сабе маглі знаходзіцца значная сума грошай і ювелірныя вырабы.
У выніку правядзення комплексу аператыўна-вышуковых мерапрыемстваў на адных з вясковых могілак Аршанскага раёна быў знойдзены схаваны труп зніклага, а таксама выяўлены шэраг грамадзян, з якімі мужчына размаўляў пасля прыезду з Расіі, і маршрут яго перамяшчэння. Больш дэталёвая прапрацоўка інфармацыі дазволіла акрэсліць кола асоб, якія маглі быць датычныя да яго смерці.
На дадзены момант сумесна з УСК па Віцебскай вобласці праводзяцца неабходныя следчыя дзеянні па зборы і замацаванні доказнай базы, а таксама высвятленні ўсіх абставін — дзе, калі і якім спосабам было здзейснена злачынства.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары