Складальнікі слоўніка англійскай мовы Collins Dictionary назвалі словам 2017 года «фэйкавыя навіны» (fake news).
«Нягледзячы на тое, што іх высмейвае лідар вольнага свету [Дональд Трамп] і яны абвінавачваюцца ва ўплыве на выбары, фэйкавыя навіны» сёння становяцца сапраўднымі навінамі — яны сталі словам 2017 года паводле версіі Collins», - гаворыцца на сайце слоўніка.
Частата выкарыстання гэтага словазлучэння з 2016 года ўзрасла на 365%, гаворыцца ў паведамленні. Слоўнік дае наступнае азначэнне «фэйкавых навін»: «Ілжывая, часта сенсацыйная інфармацыя, якая распаўсюджваецца пад выглядам навінавага паведамлення».
Летась слоўнік прызнаў словам года Brexit, якім пазначаецца працэс выхаду Вялікабрытаніі са складу ЕС.
Слоўнік публікуецца выдавецтвам HarperCollins, першая рэдакцыя выйшла ў 1979 годзе. Да гэтага кампанія выдавала іншыя слоўнікі.
Каментары