У Мінску п'яная бабуля на «Сузукі» з двума ўнукамі на пасажырскіх месцах урэзалася ў іншае аўто.
ДТЗ адбылося 2 лістапада каля 20.50 на вуліцы Мяснікова.
Кіроўца - 57-гадовая жанчына — ехала з боку вуліцы Берсана ў напрамку Нямігі. Пры гэтым на заднім сядзенні ў дзіцячых крэслах яна перавозіла сваіх унукаў, якім 5 і 7 гадоў, паведамляе БЕЛТА са спасылкай на мінскае ДАІ.
Жанчына ўрэзалася ў прыпаркаваную машыну «Міцубісі». У ДТЗ ніхто не пацярпеў. Але высветлілася, што ў бабулінай крыві 1,63 праміле алкаголю.
Праваахоўнікам кабета патлумачыла, што за гадзіну да паездкі выпіла чарку хатняй настойкі.
Цяпер чытаюць
«Фанаты стаялі ў чэргах яшчэ да адкрыцця рэстаранаў». Шаленства з бірулькамі фей на сумкі, якія выпусціла піцэрыя2
Каментары