Пры гэтым яшчэ каля 6 адсоткаў беларускай моладзі свабодна валодае адной замежнай мовай. Аднак увогуле не ведае ніводнай замежнай мовы звыш 20 працэнтаў маладых беларусаў — паведамляе thinktanks.by
Такімі атрымаліся вынікі апытання, праведзенага Даследчым цэнтрам ІПМ. Апытанне праводзілася ў межах праекту міжнароднай тэхнічнай дапамогі, які рэалізуецца пры падтрымцы Еўрасаюза. Ягоныя вынікі былі прадстаўленыя на канферэнцыі KEF-2017 «Асновы будучыні» у Мінску.
У апытанні ўдзельнічала 1 тысяча рэспандэнтаў ва ўзросце ад 18 да 21 года, якія атрымалі ці працягваюць атрымліваць сярэднюю адукацыю.
У той жа час падчас апытання 31,9% рэспандэнтаў паведамілі, што праграма навучання замежных моваў мае патрэбу ў зменах у першую чаргу. Гэта быў у адказах самы папулярны прадмет, які патрабуе зменаў. Даследаванне таксама паказала, што пераважная большасць беларускіх школьнікаў і студэнтаў не выключае верагоднасць сваёй працы за мяжой.
Цяпер чытаюць
Трамп запрасіў Лукашэнку ўвайсці ў Раду міру па Газе41
Каментары