Прэс-сакратар МЗС Беларусі Руслан Варанкоў паведаміў, што ў звароце прэзідэнта ЗША да Аляксандра Лукашэнкі прапануецца, каб Беларусь стала заснавальнікам Рады міру — арганізацыі, якую стварае Трамп, для ўрэгулявання сітуацыі ў Газе.
«У звароце Беларусі ў кантэксце ўрэгулявання сітуацыі ў Газе прапануецца стаць заснавальнікам Рады міру — новай міжнароднай арганізацыі, — паведамляе прэс-служба МЗС. —
Мы высока цэнім, што амерыканскі бок бачыць Беларусь, і гэта наўпрост пазначана ў тэксце звароту, як дзяржаву, гатовую ўзяць на сябе высакародную адказнасць за пабудову трывалага міру, і весці за сабой сілай прыкладу, інвеставаць у бяспечную і квітнеючую будучыню для будучых пакаленняў.
Мы таксама разглядаем гэтую прапанову як прызнанне асабістых заслуг і міжнароднага аўтарытэту кіраўніка беларускай дзяржавы».
Лукашэнка «ўспрыняў прапанову станоўча», паведамляе МЗС Беларусі.
«Наша пазіцыя такая: мы гатовы прыняць удзел у дзейнасці Рады міру, улічваючы і спадзеючыся, што гэтая арганізацыя пашырыць свае рамкі і паўнамоцтвы далёка за межы прапанаванага ў ініцыятыве мандата. Гэта дазволіць ёй актыўна ўдзельнічаць у глабальных працэсах па ўрэгуляванні любых міжнародных канфліктаў, што, у рэшце рэшт, паспрыяе пабудове новай архітэктуры бяспекі, якая актыўна прасоўваецца Беларуссю ў апошнія гады», — дадае МЗС.
Раней такое запрашэнне атрымаў кіраўнік Расіі Уладзімір Пуцін.
Дэпутатка, якая рыхтуе прыгажунь для Лукашэнкі, выйшла замуж23
Каментары