Тысячы дэманстрантаў удзельнічаюць у суботу ў маршы па вуліцах сталіцы Зімбабвэ Харарэ, святкуючы чаканую адстаўку 93-гадовага прэзідэнта краіны Роберта Мугабэ. Пра гэта паведаміла агенцтва Reuters.
Паводле яго звестак, некалькі тысяч жыхароў рэспублікі выйшлі на вуліцы горада з нацыянальнымі сцягамі. Дэманстрацыя праходзіць мірна і суправаджаецца песнямі і танцамі.
«Гэта слёзы радасці, — цытуе агенцтва аднаго з удзельнікаў маршу. — Я чакаў гэтага дня ўсё сваё жыццё. Нарэшце ён надышоў — дзень нашай волі!»
Улады ў краіне ад мінулага аўторка кантралююць вайскоўцы. Яны хочуць змусіць прэзідэнта, які кіраваў краінай 37 гадоў, да адстаўкі.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне13
Каментары