Зніклы падлетак знойдзены павешаным на дрэве на ўскраіне Маладзечна прыкладна за кіламетр ад дома, піша mlyn.by
15-гадовы школьнік знік 16 лістапада. Пайшоў з дома, пакінуўшы на стале мабільны тэлефон. Яго шукалі бацькі, сваякі, супрацоўнікі Маладзечанскага РАУС і прадстаўнікі пошукава-выратавальнага атрада «Анёл». У суботу каля 17.00 ён быў знойдзены павешаным, паведамілі прадстаўнікі Маладзечанскага РАУС.
Сям'я загінулага школьніка характарызуецца як добрая. Канфліктаў у школе ў падлетка не было.
Настаўнікі да апошняга спадзяваліся, што іх вучань вернецца дадому жывым.
«Жэня рос у вельмі добрай і правільнай сям'і, - распавядае дырэктар школы №1 Пётр Хроль.
— Бацькі любяць дзяцей, падтрымліваюць, стараюцца даць добрую адукацыю. У нашай школе вучыліся і дзве старэйшыя сястры хлопчыка. Яны абедзве паступілі ў ВНУ, атрымалі адукацыю, жывуць у Мінску. Жэня быў добрым, выхаваным, старанным вучнем, да якога педагогі ніколі не мелі ніякіх прэтэнзій. Але заўсёды вучыўся роўна, быў у залатой сярэдзіне».
«Версіі мы агучвалі розныя, - кажа сп. Хроль. - Хоць раней за хлопцам ніколі такога не было. Ён сябраваў з мамай, заўсёды ёй пра ўсё расказваў, калі кудысьці ішоў, абавязкова ставіў у вядомасць. Каб зразумець, як жа так атрымалася, трэба будзе яшчэ шмат чаго асэнсаваць. А пакуль гэтая страшная трагедыя проста не ўкладаецца ў галаве».
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі11
Каментары