Абвінавачванне ў карупцыі прад'явілі начальніку аддзела архітэктуры і горадабудаўніцтва Бабруйскага гарвыканкама, паведамілі ў абласным упраўленні Следчага камітэта. Па дадзеных следства, чыноўнік выкарыстаў службовыя паўнамоцтвы ў карыслівых інтарэсах, піша Tut.by.
Паводле версіі следства, галоўны архітэктар Бабруйска прымаў ад дырэктараў камерцыйных структур у якасці хабару таварна-матэрыяльныя каштоўнасці. Узамен ён ўзгадняў ім архітэктурныя праекты, удакладніла афіцыйны прадстаўнік УСК па Магілёўскай вобласці Аксана Салянюк.
Чыноўнік знаходзіцца пад вартай. Расследаванне крымінальнай справы працягваецца.
За карупцыю будуць судзіць галоўнага архітэктара Магілёўскага раёна. Ён дапамагаў сябру прадаваць зямлю даражэй - мяняў мэтавае прызначэнне ўчастка.
