Каля 48 000 вайскоўцаў з Расіі ваявалі ў Сірыі, з іх больш за за 14 000 атрымалі дзяржузнагароды — заявіў міністр абароны РФ Сяргей Шойгу падчас калегіі Мінабароны ў Балашысе пад Масквой, паведамляюць «Ведамасці». Гэта амаль дакладна столькі ж, колькі складае ўвесь вайсковы персанал арміі Беларусі.
Усяго — паводле міністра — расійскія лётчыкі здзейснілі ў Сірыі 34 000 вылетаў, а расійскія зенітчыкі збілі ў Сірыі 16 беспілотнікаў і 53 ракеты сістэм залпавага агню. За час баявых дзеянняў расійскія Узброеныя сілы, па заяве Шойгу, знішчылі 60 318 баевікоў, у тым ліку 2840 выхадцаў з Расіі.
Акрамя таго, Шойгу распавёў аб вывадзе расійскіх войскаў з Сірыі. Там застануцца толькі тры батальёны ваеннай паліцыі, супрацоўнікі цэнтра прымірэння бакоў, а таксама персанал расійскіх баз у Хмейміме і Тартусе, дадаў ён.
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары