На час правядзення ЧС-2018 па футболе цэны авіяквіткоў у Расіі выраслі у сярэднім на 230%
На час правядзення Чэмпіянату свету па футболе ў Расіі авіякампаніі гэтай краіны павысілі цэны квіткоў у гарады, дзе будуць праходзіць матчы, у сярэднім на 230 адсоткаў, паведамляе РБК.
Найболей падаражэў рэйс Масква-Валгаград — у 5,3 разы, што робіць яго роўным па цане пералёту з расійскай сталіцы да Хабараўска. Прааналізаваўшы расклад па датах на прыкладзе Валгаграду, журналісты РБК выявілі, што дні непамерна завышаных цэнаў дакладна супадаюць з днямі правядзення групавых матчаў ЧС.
Сітуацыя пагаршаецца тым, што адлегласці паміж гарадамі ў Расіі ў шмат якіх выпадках ускладняюць заўзятарам транспартную лагістыку перад наступнымі матчамі «сваёй» адборачнай групы. Карыстаючыся чыгуначным транспартам, з Масквы да Валгаграду можна дабрацца за 25 гадзін. У Екацерынбург — за 26, а ў Сочы — ад 24 да 42.
Расійскія авіякампаніі тлумачаць высокія цэны павышаным попытам і рынкавымі механізмамі, аднак, як заўважае РБК, кошт пералёту з Сочы ў Саранск і назад у дні матчаў 22-24 чэрвеня роўны па цане рэйсу Масква-Токіа ў два бакі.
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі11
Каментары