Лідар незарэгістраванага Беларускага нацыянальнага кангрэсу, былы палітвязень Мікола Статкевіч у сваім фэйсбуку падзяліўся планамі наконт святкавання 100-годдзя незалежнасці Беларускай Народнай Рэспублікі.
У паседжанні рабочай групы 8 студзеня бралі ўдзел Яўген Афнагель, Уладзімір Някляеў, Павел Севярынец, Вячаслаў Сіўчык, Мікалай Статкевіч, Генадзь Фядыніч. На наступнае паседжанне 16 студзеня Статкевіч запрашае прадстаўнікоў іншых арганізацый, зацікаўленых у святкаванні Дня Волі.
«Рабочая група лічыць магчымай формай масавага святкавання шэсце ад плошчы Я. Коласа да плошчы Незалежнасці з наведваннем месцаў, звязаных з гісторыяй БНР, але ў той жа час адкрыта да абмеркавання іншых варыянтаў», — напісаў Статкевіч.
Паведамляецца, што арганізатары збіраюцца падаваць афіцыйную заяўку на правядзенне шэсця ў Мінгарвыканкам.
***
На тэлеграм-канал «Нашай Нівы» можна падпісацца тут.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары