Праектам «Вандроўкі ў мінулае» рыхтуецца да перадруку каля 300 старых беларускіх паштовак.
Людзі жывуць у гарадах, не ўяўляючы, як тыя выглядалі сто і больш год таму. Гэта кепска, бо няма памяці, гістарычнага ланцугу, менш любові да места і жадання яго берагчы.
Выданне старых паштовак у якасці сувеніраў можа часткова вырашыць гэтую праблему — і месцічам нагадаюць, як выглядалі іх гарады, і замежнікам будзе цікава паглядзець, што і як раней было.
Мінск, Бабруйск, Баранавічы, Беласток, Брэст, Вільня, Віцебск, Гродна, Дзвінск, Друскенікі, Кобрын, Ліда, Магілёў, Навагрудак, Нясвіж, Пінск, Слонім, Смаленск — вельмі цікава падглядзець праз «акенца» паштоўкі, як жылі нашыя продкі ў гэтых гарадах.
Выданне паштовак дазволіць зрабіць гэта ўсім нам, вярнуць іх ва ўжытак і тым самым папулярызаваць гісторыю — як сярод беларусаў, так і сярод замежнікаў, да якіх гэтыя паштоўкі будуць трапляць праз посткросінг, падарункі, перакананы аўтары ініцыятывы.
Замовіць паштоўкі можна будзе толькі тут, у межах гэтай краўдфандынг-кампаніі. Пасля яны будуць бясплатна раздавацца турыстам на экскурсіях у межах праекту «Вандроўкі ў мінулае». Там іх атрымаць зможа кожны, але трэба будзе выйграваць іх у віктарыне перад пачаткам экскурсій.
Падтрымаць праект на платформе Talaka.by можна па гэтай спасылцы.
Цяпер чытаюць
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам33
Каментары