Спартыўны грузавік МАЗ сарваўся з пяціметровай выдмы, пасля чаго перакуліўся на бок. Неймаверны кульбіт здарыўся падчас ралі-рэйду «Дакар» і быў зафіксаваны на камеру. Што цікава, ужо праз 10 хвілін спорткар пад кіраваннем Сяргея Вязовіча стаяў на колах і ў выніку нават аказаўся шосты на фінішы.
Інцыдэнт адбыўся за кіламетр ад фінішу аднаго з самых складаных спецучасткаў на тэрыторыі Перу. Беларускі пілот Сяргей Вязовіч вырашыў праехаць насып з бакавым ухілам проста ў «лоб», аднак не ўлічыў пяціметровы абрыў. Добра-такі разагнаўшыся, грузавік паляцеў з вялізнага бархана, нягледзячы на спробы гоншчыка рэзка затармазіць. Машына звалілася рамай у пясок і ад удару перакулілася на бок. Сутыкненне было настолькі моцным, што грукат быў чутны за кіламетр.
У той жа час грузавік абсалютна не пашкодзіўся. Праз 10 хвілін на дапамогу прыйшоў МАЗ Аляксея Вішнеўскага, які з дапамогай троса вярнуў машыне звыклае становішча. МАЗ аказаўся цалкам спраўным — нават аліва не выцекла. Гоншчыкі адразу ж завялі аўтамабіль і здолелі фінішаваць на шостым месцы.
«Падзенне, вядома, было магутным. І нам у нейкі момант стала страшна і за сябе, і за тэхніку. Аднак МАЗ паказаў сябе трывалай і надзейнай машынай. Будзь на яго месцы які-небудзь іншы аўтамабіль, то наступствы маглі б быць куды больш сур'ёзнымі. У прынцыпе інцыдэнт хоць і непрыемны, але ён прадэманстраваў «характар» мазаўскай тэхнікі, якая гатовая да любых сітуацый», — адзначыў кіраўнік каманды Сяргей Вязовіч.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары