Мінскія дамоўленасці ад 12 лютага 2015 года («Мінск-2») з'яўляюцца безальтэрнатыўным дакументам для ўрэгулявання канфлікту на ўсходзе Украіны. Пра гэта заявіў прэс-сакратар прэзідэнта Расіі Дзмітрый Пяскоў, паведамляе ТАСС.
Адказваючы на пытанне аб тым, што неабходна зрабіць для вырашэння сітуацыі на Данбасе, прадстаўнік Крамля падкрэсліў, што ў гэтым плане дапамогуць «толькі мінскія дамоўленасці», бо гэта адзіны ўзгоднены бакамі дакумент. Пяскоў звярнуў увагу, што ніводны з бакоў канфлікту і ніводная з краін-гарантаў (Расія, Германія, Францыя) ніколі не казалі пра страту «Мінскам-2» жыццяздольнасці, «таму што гэта азначала б, напэўна, у цяперашняй сітуацыі поўны крах».
0
0
0
0
0
0
