Арганізацыі, якія размяшчаюць палітычную рэкламу ў Фэйсбуку, павінны будуць праходзіць ідэнтыфікацыю. Пра гэта паведаміў менеджар прадуктаў Facebook Самід Чакрабарці. Сацсетка таксама плануе архіваваць ўзоры электаральнай рэкламы і рабіць іх даступнымі для пошуку ў мэтах паляпшэння справаздачнасці. Пра гэта паведамляе газета Times.
«Хоць мы пра гэта і не падазравалі, што ў час выбараў у ЗША 2016 расійскі бок стварыў 80 тысяч пастоў, якія за два гады ахапілі каля 126 млн чалавек у Злучаных Штатах. Гэта быў новы тып пагрозы, які мы не маглі прадбачыць, але мы маглі зрабіць больш», - заявіў Чакрабарці.
На мінулым тыдні заснавальнік Facebook Марк Цукерберг заявіў, што карыстальнікі сацсеткі змогуць уплываць на якасць навін з дапамогай ацэнкі дакладнасці іх крыніц. Раней Цукерберг паведаміў, што прыярытэт у стужцы навін будзе аддавацца інфармацыі, якой дзеляцца сябры і сваякі карыстальніка, а колькасць нерэкламных пастоў ад СМІ і брэндаў зменшыцца.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?2
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары