Даішнікам Брэсцкай вобласці на выходных трапіліся «вясёлыя» парушальнікі.
Першы выпадак адбыўся 4 лютага каля 4 гадзіны раніцы ля вёскі Новая Попіна (Драгічынскі раён).
Даішнікі хацелаі спыніць «Аўдзі А6», але кіроўца толькі паддаў газу. Пачалася пагоня.
Да пераследу парушальніка далучыліся яшчэ некалькі экіпажаў ДАІ, якім удалося спыніць «Аўдзі». Кіроўца перасеў на задняе пасажырскае сядзенне і заблакаваў дзверы аўтамабіля знутры. Інспектары неаднаразова прапаноўвалі кіроўцу выйсці з аўтамабіля, але ён не рэагаваў і стаіўся. Для аказання дапамогі кіроўцу, які не падаваў прыкмет жыцця, было прынята рашэнне разбіць шкло, каб адкрыць дзверы аўтамабіля. Інспектары адвезлі кіроўцу ў бальніцу, дзе той адмовіўся ад медыцынскага агляду. У выніку на 27-гадовага мясцовага жыхара складзеныя тры адміністрацыйных матэрыялы.
Другое надзвычайнае здарэнне адбылося амаль у той жа час у Івацэвічах. У гэтым выпадку даішнікі спынілі «Рэно Логан».
31-гадовы кіроўца адмовіўся выйсці з аўтамабіля.
«Акрамя таго, заставацца ў салоне аўтамабіля яму дапамагалі пасажыры, якія трымалі яго за вопратку. Патрабаванні супрацоўнікаў ДАІ кіроўца не выконваў, хоць яго неаднаразова папярэджвалі аб прымяненні фізічнай сілы», — паведамляюць міліцыянты.
У выніку кіроўцу ўсё ж выцягнулі з салона сілай. Але на «выратаванне» таварыша кінуліся яго сябры-пасажыры (мясцовыя жыхары 1995 і 1996 г.н.).
«Правакуючы супрацоўнікаў ДАІ сваім цынічным і неадэкватнымі паводзінамі, пасажыры спрабавалі «вызваліць» свайго таварыша, але не змаглі. «Начныя прыгоды» для кампаніі працягнуліся ў Івацэвіцкім РАУС. У цяперашні час у дачыненні да затрыманых праводзяць следчыя дзеянні супрацоўнікі Следчага камітэта. На кіроўцу і пасажыраў складзены адміністрацыйныя матэрыялы. Таксама вырашаецца пытанне аб завядзенні крымінальнай справы», — паведамляе ДАІ Брэсцкай вобласці.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары