На сёньняшніх таргах эўра — у Беларусі і Эўропе —- упаў да мінімальнай адзнакі за год.
Эўрапейская валюта дасягнула найніжэйшага курсу ў адносінах да даляра цягам гэтага году.
У Лёндане сёньня адно эўра каштуе 1,3856 даляра.
Гэта мінімальнае значэньне ад 18 верасьня 2007 году.
Рост курсу амэрыканскай валюты зьвязаны з прыняцьцём Сэнатам ЗША пляну ратаваньня фінансавага рынку, паведамляе Польскае радыё для замежжа.
Адрэагавала і Беларусь.
Паводле курсаў Нацбанку, устаноўленых на 3 кастрычніка, курс даляра складае – 2 112 рублёў, эўра – 2 934 рублі 62 капейкі. Г.зн. суадносіны – 1,3892045.
Гэта ўжо ніжэй, чым 12 верасьня, калі эўра ўпала да курсу 2 944, 57 рубля, і суадносіны складалі 1,3955.
Адрэагавалі на гэта і камэрцыйныя банкі. Сёньня ў Менску найлепшы курс, паводле якога можна здаць эўры, 2 966 рублёў.
На мінулым тыдні не ўзьнікала вялікіх праблемаў здаць эўра паводле курсу 3 050 рублёў.
Каментары