16 лютага культавы ўкраінскі гурт «Воплі Відаплясава» завітае ў Мінск з настальгічна-футурыстычным шоу «XX Rockів альбом». Канцэрт пройдзе ў канцэртнай зале «Прайм Хол» (пр.Пераможцаў, 65) і будзе прысвечаны 20-годдзю альбома «Музіка».
Напярэдадні гэтага свята музыкі, энергіі і выдатнага настрою згадаеі некалькі рэдкіх фактаў пра гурт «Воплі Відаплясава» і яго творчасць, якія, магчыма, стануць для вас адкрыццём.
1. Гурт стварыў водаправодчык
Пры ўсёй фенаменальнасці «ВВ», ніхто з заснавальнікаў гурта не меў музычнай адукацыі. Проста аднойчы травеньскім днём у сценах кіеўскага Політэхнічнага інстытута два чалавекі, вадаправодчык Юрый Здарэнка і Аляксандр Піпа стварылі групу і шукалі вакаліста. А Алег Скрыпка, у сваю чаргу, шукаў месца для прыкладання сваіх талентаў. Так усё і склалася.
Першыя песні гурт запісваў на кухні Здарэнкі на самы звычайны магнітафон «Маяк».
2. Назва «Воплі Відаплясава» — з Дастаеўскага
Назву гурт узяў у класіка рускай літаратуры Фёдара Дастаеўскага. У яго аповесці «Сяло Сцяпанчыкава і яго насельнікі» быў персанаж, лёкай Відаплясаў, які называў свае опусы «воплямі»…
3. Першы ганарар ВВ быў 30 рублёў
1987 год стаў для гурта лёсавызначальным: адбыўся іх першы публічны выступ на фестывалі кіеўскага рок-клуба. І адразу ж — перамога ў намінацыях «Гурт года» і «Песня года» — «Плач Яраслаўны». За прэміяльныя 30 рублёў музыкі гэта і адсвяткавалі.
4. Першы альбом ВВ быў запісаны выпадкова
У 1991 годзе «Воплі Відаплясава» выступілі на міжнародным фестывалі ў Францыі. Там жа быў выпадкова запісаны іх першы альбом «Або Або». Проста французскі гукааператар уставіў у канцэртны пульт бытавую касету Maxell і зрабіў запіс. А ў 1995-м французская публіка залы Sentier des Halles стоячы апладыравала гурту 15 вечароў запар.
5. Альбом «Музіка» паляцеў у космас
Альбом «Музiка» з песняй «Весна» прынёс гурту тры ўзнагароды на фестывалі «Таўрыйскія гульні» і паляцеў у космас у 1997 годзе з першым украінскім касманаўтам Леанідам Кадзенюком. А відэакліп на песню «Весна» з гэтага альбома — нязменны фінальны нумар ўсіх канцэртаў «ВВ» — стаў першым украінскім відэа ў ратацыі расійскага MTV.
6. У гонар ВВ названая зорка
Гэта адбылося ў 2002-м. Сусветны камітэт космасу назваў зорку ў сузор'і Ліра ў гонар гурта - Vоплi Viдоплясова.
7. Рэкорд альбома «Музіка» дагэтуль не пабіты
Альбом быў прададзены ва ўсім свеце тыражом больш за 1 мільён асобнікаў і да гэтага часу рэкорд не змог пабіць ніводзін калектыў на ўсёй постсавецкай прасторы.
А «ВВ» чакае мінчукоў і гасцей у «Прайм Холе» 16 лютага.
Квіткі можна купіць анлайн.
Ёсць і сюрпрызы для чытачоў НН. Заўтра — 13 лютага — апошні дзень конкурсу, які мы ладзім разам з «ВВ». Не прапусціце!
Каментары