Расійскі лаўкостар «Пабеда» адмовіўся ад палётаў у Мінск, паведамляе РБК.
Авіякампанія «Пабеда», якая планавала ў гэтым годзе адкрыць рэйс з Санкт-Пецярбурга ў Мінск, адмовілася ад палётаў у беларускую сталіцу, не здолеўшы дамовіцца пра тарыфы на абслугоўванне ў аэрапорце.
У канцы 2017 года «Пабеда» паспрабавала дамовіцца аб палётах у Мінск. У лістападзе авіякампанія падала заяўку на палёты ў беларускую сталіцу з Санкт-Пецярбурга. 23 лістапада 2017 года яна атрымала допуск Міжведамаснай камісіі, а акрэдытацыю беларускіх авіяўладаў — 25 снежня 2017 года, кажа прадстаўнік «Пабеды».
Але па словах супрацоўніка прэс-службы авіякампаніі, аэрапорт Мінска прапанаваў расійскаму перавозчыку тарыфы для нерэзідэнтаў, намінаваныя ў еўра. Яны істотна вышэйшыя, чым для рэзідэнтаў.
Крыніца ў авіякампаніі «Пабеда» заяўляе, што перамовы з аэрапортам Менска не будуць адноўленыя да тых часоў, пакуль не будуць створаны «роўныя ўмовы па кошце абслугоўвання для расійскіх і беларускіх перавозчыкаў». «Цяпер у авіякампаніі пастаўлены пад сумнеў палёты «Пабеды» ў Гомель, якія ўжо ўзгодненыя і запланаваныя», — кажа суразмоўца.
Каментары