У судзе Камянецкага раёна абвясцілі прысуд па факце крадзяжу буйной партыі ядахімікатаў са склада сельскагаспадарчага прадпрыемства, паведамляе БелТА.
Злачынства было здзейснена ў ноч з 30 на 31 мая 2017 года. Абвінавачаны, якога суд прызнаў вінаватым, — грамадзянін Расіі 1994 года нараджэння.
Зламыснік перапілаваў металічныя краты аконнага праёму і пракраўся ў будынак складскога памяшкання аднаго з сельгаспрадпрыемстваў Камянецкага раёна. Адтуль ён вынес сродкі абароны раслін агульным коштам звыш 43 тысячы рублёў.
Затым ядахімікаты ён прадаў жыхару Брэсцкага раёна за 7 тысяч рублёў. У ходзе расследавання частка скрадзенай маёмасці была канфіскавана супрацоўнікамі міліцыі і вернута прадпрыемству.
Расіяніна асудзілі на 5 гадоў калоніі.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам18
Каментары