Еўрапейскі вяшчальны саюз праверыць песню беларускага прадстаўніка Alekseev «Forever» на адпаведнасць правілам «Еўрабачання». Гэта адбудзецца на бліжэйшым тыдні. Інфармацыю пацвердзіў піяр-менеджар спевака на «Еўрабачанні» Сяргей Андрыянаў, піша Еўрарадыё
Калі ў песні будуць выяўленыя парушэнні, Аляксееву давядзецца памяняць кампазіцыю на іншую.
Дарэчы, у выпадку адмоўнага выніку экспертызы Белтэлерадыёкампанія мае таксама права замяніць пераможцу на канкурсанта, які заняў другое месца ў фінале. То бок, тэарэтычна, гэта могуць быць Shuma ці Гюнеш, якія набралі аднолькавыя балы па выніках галасавання журы і тэлегледачоў.
Нагадаем, пасля перамогі на нацыянальным адборы свае песні мянялі Анжаліка Агурбаш, Дзмітрый Калдун, Алёна Ланская, гурт «3+2» і Анастасія Віннікава.
«Еўрабачанне-2018» пройдзе 12 траўня ў Лісабоне.
-
«Я была толькі абалонкай чалавека». Кайлі Міноўг расказала, як у яе другі раз дыягнаставалі рак і як яна не хацела пра гэта расказваць
-
«Еўрабачанне» выйграла Балгарыя. Гэта першая перамога гэтай краіны ў гісторыі конкурсу
-
Фінляндыя, Данія, Нарвегія. Або Грэцыя ці Францыя? Топ сёлетняга «Еўрабачання»
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну15
Каментары