Гісторыю пра стварэнне БНР ведаць трэба, але ганарыцца тымі падзеямі не варта. Пра гэта Аляксандр Лукашэнка заявіў сёння ў час сустрэчы з творчай моладдзю, паведамляе БелТА.
Лукашэнка заявіў, што тыя падзеі да гэтага часу мала вывучаны, а існуючая інфармацыя вельмі супярэчлівая. З аднаго боку, стваральнікі БНР хацелі незалежнасці для краіны, з другога — яны былі гатовыя прасіць у гэтай справе дапамогі ў каго заўгодна, аднак потым зноў бы апынуліся пад ботам.
«У гісторыі любой дзяржавы былі розныя падзеі. Возьмем Германію: у іх была страшная падзея, якую будуць памятаць усе пакаленні, — адтуль прыйшла вайна. Яны знішчылі мільёны ні ў чым не вінаватых людзей. Гэта халакост не толькі для яўрэяў, але і для усяго свету, асабліва для нашага славянскага»,
— сказаў Аляксандр Лукашэнка.
Кіраўнік дзяржавы адзначыў, што прайшоў час і ў Германіі ўжо не ганарацца гэтым перыядам у жыцці краіны.
«Яны ж не ганарацца, што ў часы Гітлера былі пабудаваныя шыкоўныя аўтабаны, што яны там стварылі магутную эканоміку, нашых людзей, украінцаў, рускіх, палякаў зганялі туды, і яны там ні за што працавалі, пакуль маглі перасоўвацца», — канстатаваў Лукашэнка. І ў беларускай гісторыі, напэўна, былі пэўныя памылкі, адзначыў ён.
На думку кіраўніка дзяржавы, рашэнне стваральнікаў БНР прасіць дапамогі ў Нямеччыны не магло ў поўнай меры забяспечыць незалежнасць Беларусі.
«Ад аднаго бота з Усходу пабеглі на Захад пад боты кайзера. Можна гэта і так расцэньваць. Але я прасіў бы не судзіць іх строга, таму што нас там не было і мы гэта не перажывалі псіхалагічна, не разумеем, што тады адбывалася. Гарачае жаданне зрабіць Беларусь незалежнай іх магло штурхнуць хоць да кайзера, хоць чорт ведае да каго. Былі і такія людзі. Добрая гэта старонка ў нашай гісторыі? Напэўна, не зусім», — лічыць Аляксандр Лукашэнка.
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная9
Каментары