У Маскве выкралі баракамеру, у якой праходзілі трэніроўкі касманаўтаў, паведамляе ТАСС.
З заявай аб крадзяжы ў паліцыю Расіі 10 красавіка звярнуўся супрацоўнік аднаго з маскоўскіх музеяў. Ён распавёў, што баракамера была выкрадзена з адкрытай аўтастаянкі ў раёне Строгіна, куды яе даставілі для рэстаўрацыі. Распачатая крымінальная справа.
Паводле звестак телеграм-канала Mash, у выкрадзенай баракамеры трэніраваліся першыя савецкія касманаўты, у тым ліку Юры Гагарын.
У прэс-службе Музея касманаўтыкі, у сваю чаргу, агенцтву «Масква» паведамілі, што пакуль не высветлена, ці ідзе гаворка пра баракамеру, якую выкарыстаў менавіта «першы атрад касманаўтаў».
Пасля завяршэння атрыбуцыі і рэстаўрацыі баракамеру планавалі перадаць у Музей касманаўтыкі.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары