У дзяржаўных СМІ ўпершыню з'явілася паведамленне, што радзіма старшыні КДБ Валерыя Вакульчыка — вёска Радастава Драгічынскага раёна. У ранейшых біяграфіях заўсёды пазначалася, што ён нарадзіўся «на Берасцейшчыне».
Вакульчык працаваў на тэрыторыі дзіцячага садка: высаджваў туі, усталёваў пясочніцы і фарбаваў сцены ды плот.
А пасля падарыў школе, дзе вучыўся, тэлевізар і выступіў перад вучнямі, паведамляе БелТА.
«Даўно выношваю думку, што трэба не проста прыехаць, а шукаць шляхі вырашэння існуючых праблем. Для таго каб гэтым людзям, мясцовасці дапамагчы. Гэта цудоўнае рашэнне — абвясціць Год малой радзімы, яно адназначна прастымулюе ўсіх не толькі на сёння, але і на заўтра, — выказаў упэўненасць Валер Вакульчык. — У кожнага ёсць свая радзіма. Калі кожны тут і цяпер, з улікам сваіх магчымасцяў, становішча, нават проста так — закатаўшы рукавы, нешта зробіць, адназначна жыццё стане лепш у кожным населеным пункце».
Апытанка
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў17
Каментары