Дэпутаты нацыянальнага сходу Арменіі (парламент) прагаласавалі супраць лідара пратэстаў Нікола Пашыняна, які вылучаўся на пасаду прэм'ер-міністра.
На пасяджэнні прысутнічалі 102 дэпутаты з 105. Для перамогі Пашыняну неабходна было атрымаць як мінімум 53 галасы. За яго кандыдатуру выступіла 45 дэпутатаў, супраць — 55.
Дэпутаты кіруючай Рэспубліканскай партыі Арменіі (РПА) заявілі, што будуць галасаваць супраць кандыдатуры Пашыняна на пасаду прэм'ер-міністра краіны.
«Спадар Пашынян не пераканаў нас», - заявіў кіраўнік фракцыі РПА Ваграм Багдасаран.
Згодна з Канстытуцыяй Арменіі, калі з першай спробы парламент не выбірае прэм'ера, то на сёмы дзень павінна быць праведзена новае галасаванне з новымі кандыдатамі.
На гэты раз кандыдатуру на пасаду прэм'ера зможа вылучаць як мінімум адна траціна ад агульнай колькасці дэпутатаў (35) незалежна ад іх прыналежнасці да фракцыі. Калі прэм'ер-міністр з другога разу не абіраецца большасцю галасоў ад агульнай колькасці дэпутатаў, парламент распускаецца. В.а. прэм'ера да перавыбараў парламента ў гэтым выпадку застанецца Карэн Карапецян.
Пашынян стаў адзіным кандыдатам на пасаду прэм'ера, які быў вылучаны ад парламенцкіх фракцый на галасаванне 1 мая. Яго вылучыў у якасці кандыдата на пасаду прэм'ера апазіцыйны блок «Елк», які ён узначальвае ў парламенце.
Пашынян узначаліў пратэсты супраць прызначэння прэм'ер-міністрам Сержа Саргсяна, які апошнія дзесяць гадоў быў прэзідэнтам Арменіі. Пасля шматтысячных выступаў у Ерэване і іншых гарадах Саргсян сышоў у адстаўку.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»25
Каментары