Размешчаная ў Парыжы галерэя сучаснага мастацтва Палац Токіа ўпершыню зладзіла «дзень адчыненых дзвярэй» для нудыстаў, якія жадаюць агледзець калекцыю музея, не абмяжоўваючы сябе адзеннем, піша Бі-Бі-Сі.
Мерапрыемства для натурыстаў-аматараў мастацтва было праведзена ў першую палову дня ў суботу і прыцягнула агулам 161 наведвальніка.
Прыбыўшы ў Палац Токіа, наведнікі маглі пакінуць усю сваю вопратку ў гардэробе і на працягу некалькіх гадзін пагуляць па музею з такімі ж аголенымі візіцёрамі.
Пасля гэтага музей адчыніў дзверы і для звычайных, апранутых наведнікаў.
Асацыяцыя нудыстаў Парыжа вітала новае пачынанне.
Летась мэрыя французскай сталіцы ўжо выдзеліла для нудыстаў асаблівую зону ў парку Венсенскі лес на ўсходзе горада.
«Ментальнасць мяняецца, — заявіў у інтэрв'ю агенцтву Рэйтэр Жульен Клод-Пенегры, дырэктар Асацыяцыі нудыстаў Парыжа па сувязях з грамадскасцю. — Нудысты пераадольваюць бар'еры, табу і ўнутраныя забароны».
Як піша мясцовая прэса, мерапрыемства прайшло з вялікім поспехам і ў мужчын, і ў жанчын.
Paris : Grand succès de la visite naturiste du palais de Tokyo https://t.co/HCEYrfhdhl
«Атмасфера была вельмі прыемнай, — распавёў адзін з наведнікаў-нудыстаў газеце Le Parisien. — Вядома ж, у велізарных залах Палаца Токіа ты адчуваеш сябе яшчэ больш безабаронным без адзення. І мастацтва ўспрымаецца зусім па-іншаму».
«Асабліва цесна ты ўзаемадзейнічаеш са скульптурамі, — сцвярджае 23-гадовая студэнтка Марта. — А ў некаторых залах, дзе грала музыка, людзі нават рухаліся, нібы прытанцоўваючы».
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары