Няма доступу да сайтаў, якія зарэгістраваныя на Пятра Маркелава, актывіста «Легалайз Беларусь»
Ад 29 мая ў Беларусі не адкрываюцца, ці адкрываюцца з вялікімі праблемамі, сайты, што зарэгістраваныя на Пятра Маркелава. Сярод іх nabyvaj.by — пра беларускую мову на спажывецкім рынку, а таксама сайт грамадскага аб’яднання «Дзея», які яшчэ знаходзіўся ў распрацоўцы. Таксама яшчэ два сайты, якія створаныя пад кампанію «Легалайз Беларусь».
18 мая Маркелаў атрымаў ліст з Міністэрства інфармацыі аб блакаванні сайта legalize.by. «Легалайз Беларусь» — грамадская кампанія, якая выступае за змены ў крымінальным кодэксе, у прыватнасці «наркатычных» артыкулаў 328 і 329. На блакаванні настаяў МУС Беларусі.
Усе сайты, доступ да якіх абцяжараны, знаходзяцца на адным хостынгу. У службе падтрымкі хостынгу Маркелаву адказалі, што праблем з доступам няма. Гэта значыць, што сайты недасяжныя толькі на тэрыторыі Беларусі.
«Сайты блакуюць абсалютна адвольна. Без папярэджання. Без абгрунтавання», — кажа Маркелаў.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары