Улады Іспаніі заявілі пра намер перанесці астанкі дыктатара Франсіска Франка з маўзалею ў Даліне Палеглых у Мадрыдзе.
Як распавёў адзін з лідараў Іспанскай сацыялістычнай рабочай партыі, што нядаўна прыйшла да ўлады, Оскар Пуэнте, эксгумацыя будзе праведзена «ў максімальна сціслыя тэрміны». «Рашэнне перапахаваць парэшткі Франка з'яўляецца цалкам вызначаным», — заявіў ён.
Урад краіны, распавёў Пуэнте, у хуткім часе мае намер ператварыць Даліну Палеглых у «месца прызнання і памяці ўсіх іспанцаў».
Іспанская сацыялістычная рабочая партыя шмат гадоў дамагаецца перапахавання Франка. Супраць гэтага выступае правацэнтрысцкая Народная партыя, створаная ў 1976 годзе былымі паплечнікамі дыктатара.
-
Былога прэзідэнта Балівіі Эва Маралеса спрабуюць арыштаваць за згвалтаванне 15-гадовай актывісткі. Яна нарадзіла ад яго
-
Трамп даручыў памочнікам арганізаваць тэлефонную размову з Пуціным пасля інаўгурацыі
-
«У панядзелак вам будзе вельмі весела глядзець тэлевізар». Трамп выступіў перад прыхільнікамі напярэдадні інаўгурацыі
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі23
Каментары