Чарнігаўскія памежнікі затрымалі беларуса пры спробе вывазу з Украіны запчастак да зброі
Ва ўкраінскім пункце пропуску «Новыя Ярылавічы», што на мяжы зь Беларусьсю, затрымалі беларускага грамадзяніна, які спрабаваў вывезьці з Украіны бяз мытнага афармленьня запчасткі да стралковай зброі, піша «Радыё Свабода».
«Беларуса затрымалі і перадалі іншым праваахоўным органам. Яны вывучаць абставіны і потым будуць прымаць рашэньне аб яго прававой адказнасьці», — паведаміў Свабодзе памочнік кіраўніка Дзяржаўнай памежнай службы Ўкраіны Алег Слабадзян.
Паводле яго, падчас правядзеньня памежна-мытнага афармленьня аўтобусу, які накіроўваўся ў Гомель, усе пасажыры заявілі пра адсутнасьць забароненых прадметаў да перамяшчэньня празь дзяржаўную мяжу, аднак службовы сабака знайшоў у багажы зброю.
Канфіскаваныя 18 запасных частак, зьнешне падобных на дэталі да стралковай зброі, а таксама штых да вінтоўкі Мосіна ўзору 1891 году накіраваныя на экспэртызу, а на грамадзяніна Беларусі «складзеныя адпаведныя працэсуальныя дакумэнты».
Згодна з украінскім заканадаўствам, перамяшчэньне зброі і запчастак да яе празь дзяржаўную мяжу ажыцьцяўляецца пры наяўнасьці дазволаў праваахоўных органаў. За незаконнае перамяшчэньне зброі і запчастак Крымінальны кодэкс Украіны прадугледжвае як штраф, гэтак і пазбаўленьне волі.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары