Экс-кандыдат у прэзідэнты Уладзімір Ганчарык: Мая пенсія большая за 500 рублёў. А людзі выжываюць на зарплату 250-300 рублёў
Адзіны апазіцыйны кандыдат на прэзідэнцкіх выбарах — 2001 Уладзімір Ганчарык расказаў «Беларускаму партызану» пра сваё цяперашняе жыццё.
— Апошнія гады вы зніклі з публічнай прасторы. Што адбылося?
— Не зусім так: я пісаў артыкулы, падтрымліваў адносіны з незалежнымі прафсаюзамі, у тым ліку і з калегамі з Расіі. Мяне выбіла з каляіны чыста жыццёвая сітуацыя: апошнія тры гады вельмі сур'ёзна хварэла мая жонка, на жаль, яна нядаўна пайшла з жыцця.
— Спачуваем вашай страце… Уладзімір Іванавіч, як жывецца беларускаму пенсіянеру?
— Мяркуючы па маім коле зносін, якое склалася ў паліклініцы (лячуся: у мяне ўтварыліся вузлы на гарлавых звязках, прыхапіла спіну), — усім цяжка. Але мяне турбуе нават не столькі матэрыяльны бок: настрой упадніцкі, людзі не бачаць перспектывы, у тым ліку і пенсіянеры. Людзі выжываюць на зарплату 250-300 рублёў — што ўжо тут казаць пра пенсіі.
— Якую пенсію атрымліваеце вы, яшчэ нядаўна не самы апошні чалавек у дзяржаве?
— Мне далі працоўную пенсію, якая з улікам надбаўкі па ўзросце складае крыху больш за 500 рублёў. Мае калегі, якія не ўдзельнічалі ў палітычнай дзейнасці, атрымліваюць у 2-3 разы больш.
* * *
Уладзімір Ганчарык
Нарадзіўся ў 1940 годзе ў Лагойскім раёне.
Скончыў Беларускі інстытут народнай гаспадаркі (1961).
З 1964 член КПСС. У 1965 годзе перайшоў на партыйную работу, займаў шэраг кіраўнічых пасад. у т.л. другога сакратара Магілёўскага абкама КПБ. З 1986 года старшыня Беларускага рэспубліканскага савета прафсаюзаў, затым — Федэрацыі прафсаюзаў Беларусі.
Адзіны кандыдат ад апазіцыі на прэзідэнцкіх выбарах у 2001 годзе. Паводле афіцыйных дадзеных, набраў 15,65% галасоў.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары