Прэм'ер-міністр Грэцыі Алексіс Цыпрас на сустрэчы са сваёй брытанскай калегай Тэрэзай Мэй у Лондане запатрабаваў ад Вялікабрытаніі вярнуць Афінам мармур Парфенона — элементы і скульптуры са збору старажытнагрэчаскага мастацтва, галоўным чынам з Афінскага акропаля, якія былі прывезены ў Вялікабрытанію ў XIX стагоддзі і зараз захоўваюцца ў брытанскім музеі.
Пра гэта Цыпрас, як перадае выданне Ekathimerini, заявіў на прэс-канферэнцыі па выніках перамоваў з Мэй, паведамляе РБК.
Гэтая праблема, як адзначыў падчас брыфінгу прэм'ер-міністр Грэцыі, мае для яго краіны пэўны маральны аспект.
«Мармур [Парфенона] належыць сусветнай культурнай спадчыне, але натуральнае месца знаходжання гэтых культурных каштоўнасцяў — у Парфеноне [на акропалі ў Афінах]», —растлумачыў Цыпрас. Мэй падчас свайго выступу гэтую тэму каментаваць не стала.
У час сустрэчы, як падкрэслілі абодва прэм'ер-міністры, бакі абмеркавалі эканамічныя пытанні і перспектывы брытанскіх інвестыцый у Грэцыю.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях25
Каментары