У пятніцу прыкладна а 10:30 ў Курапаты прыехала польская дэлегацыя на чале з кіраўніком канцылярыі прэзідэнта Польшчы Кшыштафам Шчэрскім. Гэта чыноўнік, як наш Максім Рыжанкоў. Узровень высокі.
Шчэрскі разам з іншымі прадстаўнікамі дэлегацыі ўсклаў вянок да «польскіх крыжоў». Мяркуецца, што ў Курапатах расстрэльвалі і польскіх афіцэраў. Паправіў лампадкі, перажагнаўся. Гэта ўсё было да адкрыцця мемарыялу ў Трасцянцы, куды запрошаны польскі бок.
Палякі спадзяваліся, што візіт у Курапаты адбудзецца незаўважна, таму адмаўляліся ад інтэрв’ю. Яны нават пад’ехалі з іншага боку ва ўрочышча, каб іх мала хто пабачыў, але не атрымалася. Да рэстарана яны не пайшлі.
Неафіцыйна кажуць, што ў Курапаты прыедзе і прэзідэнт Аўстрыі Аляксандр ван дэр Белен, які цяпер у Мінску.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні2
Каментары