Шаўлюга быў затрыманы 28 чэрвеня каля будынка Міністэрства ўнутраных справаў. Каля 16:00 ён фатаграфаваў акцыю ў падтрымку ЛГБТ-супольнасці. Ноч журналіст правёў у пастарунку, а сёння суд аштрафаваў яго на 3 базавыя.
Андрэй Шаўлюга.
У будынак суда прыйшлі каля 30 чалавек, у тым ліку калегі журналіста.
Бацькі заключылі дамову з адвакатам, абараняў Андрэя Дзмітрый Лепрэтар.
Справу Андрэя Шаўлюгі слухала суддзя Анастасія Папко.
Журналіста вінавацілі па артыкуле 23.4 КаАП за нібыта непадпарадкаванне міліцыі. У пратаколе сцвярджаецца, што ён адмаўляўся выходзіць з міліцэйскай машыны, калі яго прывезлі ў РУУС Маскоўскага раёна.
Каментары