Усё касавае абсталяванне ў Беларусі з 1 ліпеня павінна быць абсталяванае сістэмай кантролю падатковых органаў (СКПО), паведамілі БЕЛТА ў прэс-службе Міністэрства па падатках і зборах.
«У адпаведнасці з тэрмінамі, усталяванымі ў пастанове Савета Міністраў і Нацыянальнага банка №924/16, з 1 ліпеня 2018 года для юрыдычных асоб, якія ажыццяўляюць дзейнасць на ўсёй тэрыторыі Беларусі устаноўлены абавязак прымаць наяўныя грашовыя сродкі з выкарыстаннем касавага абсталявання з усталяваным сродкам кантролю падатковых органаў», — адзначылі ў міністэрстве і ўдакладнілі, што норма не датычыцца юрыдычных асоб, якія ажыццяўляюць дзейнасць у гарадах абласнога падпарадкавання і Мінску (там яно ўступіла ў сілу раней), а таксама гарадах раённага падпарадкавання.
Пры гэтым вышэйпазначаныя юрыдычныя асобы на працягу шасці месяцаў (да 1 студзеня 2019 году) маюць права ажыццяўляць прыём наяўных грашовых сродкаў з выкарыстаннем касавага абсталявання без СКПО, але пры ўмове заключэння да 1 ліпеня 2018 года грамадзянска-прававога дагавора з рэспубліканскім унітарным прадпрыемствам «Інфармацыйна-выдавецкі цэнтр па падатках і зборах» на ўстаноўку, абслугоўванне, зняцце сродку кантролю падатковых органаў.
У Міністэрстве па падатках і зборах нагадалі, што за выкарыстанне касавага абсталявання без СКПО па заканчэнні тэрмінаў, вызначаных пастановай №924/16, прадугледжана адміністрацыйная адказнасць.
Цяпер чытаюць
Сталі вядомыя падрабязнасці крушэння мотадэльтаплана пад Мінскам5
Сталі вядомыя падрабязнасці крушэння мотадэльтаплана пад Мінскам
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары