Расія масавана атакавала некалькі гарадоў Украіны: ёсць ахвяры і разбурэнні
Уночы і раніцай 12 верасня расійскія войскі нанеслі ракетныя і дронавыя ўдары па Адэсе, Крывым Рогу, Дняпры і Запарожжы.
Вядома пра загінулых і пацярпелых, пашкоджаныя жылыя дамы і прамысловыя прадпрыемствы, піша УНІАН.
У прыватнасці, раніцай расійскія войскі нанеслі ракетны ўдар па Адэсе. У выніку атакі быў пашкоджаны шматпавярховы жылы дом. Пра гэта паведаміў начальнік Адэскай гарадской ваеннай адміністрацыі Сяргей Лысак.
Спачатку было вядома пра трох пацярпелых, аднак пазней іх колькасць вырасла да шасці чалавек. Затым начальнік Адэскай абласной ваеннай адміністрацыі Алег Кіпер паведаміў, што ўжо вядома як мінімум пра 12 чалавек, якія пацярпелі ў выніку расійскай атакі. Сярод іх — дзіця.
Як адзначыў чыноўнік, вораг учыніў масаваную ракетна-дронавую атаку па цывільнай інфраструктуры Адэскай вобласці.
У выніку ўдару ў Адэсе цалкам разбураныя верхнія паверхі жылога шматпавярховага дома. Выбуховая хваля пашкодзіла суседнія жылыя дамы і газаправод нізкага ціску.
Па іншым адрасе пашкоджаныя яшчэ тры жылыя дамы, адзін з якіх цалкам разбураны, а таксама газаправод.
Цяпер чытаюць
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары