Суд Гарадоцкага раёна апраўдаў 36-гадовага анестэзіёлага-рэаніматолага, якога абвінавачвалі ў неналежным выкананні прафесійных абавязкаў медыцынскім работнікам, што пацягнула па неасцярожнасці смерць пацыента, паведаміла TUT.BY афіцыйны прадстаўнік Віцебскага абласнога суда Наталля Платоненка.
— Абвінавачаны прызнаны невінаватым і апраўданы за недаказанасцю яго удзелу ў здзяйсненні злачынства, — дадала Наталля Платоненка.
Паводле матэрыялаў следства, доктар, робячы пацыенту пункцыю і катэтэрызацыю правай падключычнай вены, пракалоў вастрыём іголкі другую — процілеглую, сценку гэтай вены, а таксама прысценачную плеўру. Вялікая страта крыві прывяла да спынення сэрца і смерці пацыента.
— Я добра ведаю падрабязнасці гэтай справы, — распавёў tut.by калега абвінавачанага, доктар Гарадоцкай цэнтральнай раённай бальніцы, дзе і адбыўся лятальны выпадак. — Той пацыент меў смяротнае атручэнне лекавым прэпаратам фенабарбітал, бо прымаў карвалол з мэтай узмацнення эфекту алкаголю. Ён меў хранічную алкагольную залежнасць і паступіў у бальніцу ўжо ў коме і з цяжкімі ўскладненнямі атручвання.
Паводле яго слоў, доктар, якога абвінавачвалі ў смерці мужчыны, распачаў усе меры па выратаванні жыцця пацыента, у прыватнасці, выканаў катэтэрызацыю падключычнай вены. Але, нягледзячы на ўсе намаганні, чалавек памёр ад смяротнага атручвання фенабарбіталам.
— Катэтэрызацыя падключычнай вены — вельмі складаная маніпуляцыя, якая выконваецца ўсляпую, і таму пры ёй таксама могуць узнікаць ўскладненні, асабліва ў такіх пацыентаў, - адзначыла крыніца. - Следчы камітэт, не разбіраючыся дасканала ў тонкасцях, адразу пасля смерці пачаў крымінальную справу. На самай жа справе лекар выканаў усе магчымыя дзеянні па выратаванні пацыента, выяўленню ўскладненняў, іх дыягностыцы і па лячэнні. Гэта, на шчасце, і было даказана ў судовым разглядзе.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары