Амерыканскі сенатар Джон Макейн, які пры жыцці сам займаўся планаваннем свайго пахавання, выбраў расійскага апазіцыянера Уладзіміра Кара-Мурзу — малодшага, каб несці труну на цырымоніі развітання, паведаміла выданне Politico.
Паводле Politico, у красавіку агульны сябар перадаў Кара-Мурзу—малодшаму асабістае паведамленне ад Макейна.
«У той момант у мяне не было слоў, я быў забіты горам, быў гатовы расплакацца», — распавёў Кара-Мурза, дадаўшы, што прыняў прапанову і лічыць яе гонарам для сябе.
Журналіст таксама адзначыў, што тады Макейн не верыў у непазбежнасць сваёй смерці ад хваробы, але, нягледзячы на гэта, усё планаваў.
Развітанне адбудзецца ў суботу ў Нацыянальным саборы Вашынгтона, пахаванне — у нядзелю ў Анапалiсе, сталіцы штата Мэрыленд.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары