Наконт атручваньня Юшчанкі дапытваюць гульцоў зборнай Украіны і Грузіі
Паказаньні даў Андрэй Гусін, у пракуратуру запрошаныя Андрэй Шаўчэнка і Каха Каладзэ.
Былы гулец зборнай Украіны па футболе Андрэй Гусін даў паказаньні ў крымінальнай справе наконт атручваньня тады яшчэ кандыдата ў прэзыдэнты Віктара Юшчанкі.
Апроч таго, сьледчыя запрасілі ў Генэральную пракуратуру яшчэ двух вядомых футбалістаў, сёньняшніх гульцоў італьянскага «Міляну» — Андрэя Шаўчэнку і Каху Каладзэ.
Усю тройцу зьвязваюць сяброўскія дачыненьні з Тамазам Цынцабадзе (уладальнікам аўтасалёну), які праходзіць як сьведка ў гэтай справе. Ён браў удзел у той вячэры 5 верасьня 2004 году, на які верагодна і быў атручаны Юшчанка.
Андрэй Гусін даў падпіску аб неразгалошаньні:
«Бязглузда, звычайна, што я магу зрабіць. Мне сказалі — я прыйшоў».
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары