Лёгкаматорны самалёт з маркіроўкай ВПС нацысцкай Германіі ўпаў на шашы ў горадзе Агура-Хілз на паўночны захад ад Лос-Анджэлеса. Пра гэта паведамляе Los Angeles Times.
Just saw a plane crash on the 101 pic.twitter.com/QUUfG5NzAL
Пасля падзення самалёт загарэўся, шаша была перакрыта ў абодва бакі. У выніку інцыдэнту ніхто не пацярпеў. Паводле звестак уладаў, упаў лёгкі вучэбны самалёт North American T-6 Texan, які выкарыстоўваўся для навучання лётчыкаў у ЗША і ў Вялікабрытаніі падчас Другой сусветнай вайны.
Як перадае тэлеканал Fox-10, самалёт належаў некамерцыйнай арганізацыі Condor Squadron, заснаванай лётчыкамі часоў Другой сусветнай вайны. Арганізацыя кіруе музеямі ваеннай авіяцыі і праводзіць палёты адрэстаўраваных самалётаў падчас парадаў і мерапрыемстваў памяці ветэранаў.
Як паведаміў тэлеканалу KABC-TV пілот самалёта, інцыдэнт адбыўся з-за праблем з рухавіком. Калі матор заглух, ён прыняў рашэнне садзіцца на свабодны ад машын участак шашы.
Як відаць на фота, апублікаваных у сацсетках відавочцамі аварыі, на крылах у самалёта намаляваны крыжы, якія выкарыстоўваліся як апазнавальны знак ВПС нацысцкай Германіі — Люфтвафэ.
Улады пачалі расследаванне інцыдэнту.
Каментары