OZ.by паабяцала адмяніць плату за самавываз тавараў з некаторых крамаў
Кампанія OZ.by, якая ўвяла ў некаторых сваіх крамах плату за дастаўку тавару самавывазам да 15 рублёў, вырашыла адмовіцца ад гэтай непапулярнай сярод пакупнікоў меры. Адмовіцца ад збору плануюць да канца гэтага года.
Кампанія ўвяла ў некаторых мінскіх крамах збор у 1 рубель за заказы менш за 15 рублёў.
- Асабіста я і ўся каманда OZ прыкладзем усе свае сілы, каб да канца гэтага года поўнасцю вырашыць праблему чэргаў і адмяніць гэтую непапулярную меру, - заявіў гендырэктар OZ Андрэй Грыневіч.
Паводле яго слоў, гэта непапулярнае ў пакупнікоў новаўвядзенне накіравана на тое, каб «пераразмеркаваць паток кліентаў з найбольш загружаных крам у меней загружаныя», а таксама «каб кліенты не накідвалі адзінкавыя дробныя заказы па адным тавары, а збіралі іх у кашы і афармлялі адной замовай».
Нагадаем, збор у 1 рубель ўвялі за дастаўку тавару самавываз да 15 рублёў у 6 з 18 мінскіх крам сеткі «OZ Кнігі»
Бясплатная дастаўка па Мінску ажыццяўляецца крамай пры кошце тавараў у замове ад 80 рублёў, дастаўка кур'ерам — 5 рублёў.
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?8
Каментары